<p style="text-align: justify;">کابل (پژواک، ۲۵ کب ۱۴۰۱): بحرین د افغانستان د ساحلي فوټبال ملي لوبډلې ته د اسیا ملتونو نړۍوال جام د پیلیزو سیالیو په لومړۍ لوبه کې څلور پر دوه ماتې ورکړه.</p>
<p style="text-align: justify;">دغه سیالۍ نن په ټایلنډ کې پیل شوې او د روانې مارچ میاشتې تر ۲۶مې دوام کوي.</p>
<p style="text-align: justify;">د افغانستان فوټبال فدراسیون په خپله فیسبوکپاڼه کې لیکلي، د ساحلي فوټبال ملي لوبډلې خپله لومړۍ لوبه ۴ پر ۲ ګولونو بحرین ته وبایلله.</p>
<p style="text-align: justify;">د دغو سیالیو په الف ګروپ کې له افغانستان سره د ټایلنډ، بحرین او سعودي عربستان لوبډلې شاملې دي.</p>
<p style="text-align: justify;">افغانستان به په دغو سیالیو کې خپله دویمه لوبه د روانې مارچ میاشتې په ۱۸مه له ټایلنډ او درېیمه لوبه د همدې میاشتې په ۲۰مه له سعودی عربستان سره کوي.</p>
<p style="text-align: justify;">د یادونې ده، له یادو سیالیو څخه به درې غوره لوبډلې د ساحلي فوټبال نړۍوال جام ته په مستقیمه توګه لار ومومي.</p>
