کابل (پژواک، ۳ وری ۱۴۰۲): کابل ښاروالۍ له هټۍوالو غوښتي چې د لومړنیو خوراکي توکو په پلور کې انصاف په پام کې ونیسي، له احتکار او په لوړه بیه د توکو له پلوره دې ډډه وکړي.
یادې ادارې نن پر خپل ټويټر ليکلي او د کابل ښار له هټۍوالو یې غوښتي چې د لومړنیو خوراکي توکو په پلور کې انصاف په پام کې ونیسي، له احتکار او په لوړه بیه د توکو له پلوره دې ډډه وکړي.
سرچينې زياته کړې: «د ښاروالۍ د نرخونو کنټرول برخې کارکوونکي به په دې میاشت کې په جدي توګه د توکو له بیو او کیفیته څارنه کوي او د سرغړونې لیدلو په صورت کې به له سرغړوونکو سره جدي قانوني چلند کېږي.»
دغه راز، ښاروالۍ د کابل له ښاریانو غوښتي چې د ښاري فرهنګ په برخه کې اسلامي اخلاق او اصول په پام کې ونیسي، له ګاونډیانو سره دې نېک چلند کوي، خپلوۍ دې وپالي، له یو بل سره دې مرستې وکړي او د ښاري مسوولیتونو په ترسره کولو کې دې هم خپل مسووليت اداء کړي.
غړيYou need to subscribe to view the full article. Please login or register a new account.
