پلخمري (پژواک، ۸ وری ۱۴۰۲): ځايي سرچینې وايي، د بغلان په مرکز پلخمري کې د دوو کورنیو ترمنځ پر دولتي ځمکې شخړه کې د یوې کورنۍ درېيو کسانو ته مرګژوبله اوښتې ده.
د بغلان د ډنډ شهابالدین سیمې اوسېدونکي حیدرخان نن (د وري ۸مه) پژواک خبري اژانس ته وویل، د دغه ولایت د کندوز تیپې کلي د دوو کورنیو ترمنځ پر دولتي ځمکې لانجه څو ورځې وړاندې هواره شوه، خو پرون مازيګر یې بیا ترمنځ شخړه شوې چې پکې د یوې کورنۍ دوه کسان وژل شوي او یو ټپي دی.
هغه زياته کړه، د یادو کورنیو ترمنځ په شخړه کې د شاهمحمد په نوم یو کس چې د یوې کورنۍ مشر دی، ټپي شوی او دوه زامن یې په ډزو وژل شوي دي.
د بغلان د امنیې قوماندانۍ ویاند مولوي شېراحمد برهاني هم د پېښې په تایيدولو سره وايي، له یادې سیمې د دوو کورنیو ترمنځ د ځمکې پر سر د شخړې راپور ورکړل شوی دی.
د هغه په وینا، له سیمې د لومړنیو معلوماتو له مخې، په یاده نښته کې دوه کسان وژل شوي او یو ټپي دی.
د یادونې ده، څو میاشتې وړاندې هم په بغلان ولایت کې د دوو کورنیو ترمنځ د ځمکې پر سر شخړه کې ۷ کسانو ته مرګژوبله اوښتې وه.
غړيYou need to subscribe to view the full article. Please login or register a new account.
