<p style="text-align: justify;">کابل (پژواک، ۱۳ وری ۱۴۰۱): د مالیې وزارت وايي، د ۱۴۰۲ مالي کال بودجه تر اوسه توشیح شوې نه ده، خو دولتي کارکوونکو ته د وري میاشتې تنخوا د روژې مبارکې میاشتې او کوچني اختر په درنښت له اختره مخکې ورکول کېږي.</p>
<p style="text-align: justify;">اسلامي امارت د تېرې کب میاشتې په نهمه <a href="https://bit.ly/3GcC3jT"><strong>خبر</strong></a> ورکړ چې کابینې د ۱۴۰۲ مالي کال بودجې سند تایید کړ او ماليې وزارت ته يې په اړه د اړینو کړنو ترسره کولو سپارښتنه کړې ده.</p>
<p style="text-align: justify;">د مالیې وزارت نن په خپره کړې <a href="https://bit.ly/3GetvsP"><strong>خبرپاڼه</strong></a> کې ویلي چې د ټاکل شوو اصولو له مخې، کله چې بودجه د ځینو دلایلو له امله توشیح شوې نه وي، نو دغه وزارت تر یوې میاشتې د بودجې ورکړې واک لري.</p>
<p style="text-align: justify;">د یادې خبرپاڼې له مخې، له همدې امله د وزارت مشرتابه پرېکړه وکړه چې دولتي کارکوونکو ته دې د وري میاشتې تنخوا د روژې مبارکې میاشتې او کوچني اختر په درنښت ورکړل شي.</p>
