غزني (پژواک، ۲۲ وری ۱۴۰۲): د غزني د کلیو بیارغونې او پراختیا ریاست مسوولین وايي، له ماشومانو د ملګرو ملتونو ملاتړ صندوق/ UNICEF له لوري د دغه ولایت په واغظ ولسوالۍ کې د ۴.۵ میلیون افغانیو په لګښت د اوبو یوه شبکه جوړه شوه او ۱۷۴ کورنیو ته د څښاک پاکې اوبه برابرې شوې.
د یاد ولایت د کلیو بیارغونې او پراختیا رییس مولوي محمدقاسم امیني پژواک خبري اژانس ته وویل، د څښاک اوبو دغه شبکه د یونیسف په مالي او د ډاکار/ DACAAR موسسې په تخنیکي ملاتړ جوړه شوې چې څلورنیم میلیونه افغانۍ لګښت ورباندې راغلی دی.
هغه زیاته کړه، د اوبو د دغې شبکې په جوړېدو سره د یادې ولسوالۍ ۱۷۴ کورنۍ د څښاک له پاکو اوبو برخمنې شوې.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن