پل علم (پژواک، ۲۹ ورى ۱۴۰۲): د لوګر ولایت په خروار او څرخ ولسواليو کې د ١٦ ميليون افغانيو په لګښت د څښاک پاکو اوبو دوه شبکې جوړېږي.
د لوګر ولایت د کلیو پراختیا او بیارغونې ریاست مطبوعاتي مسوول صبغتالله نائبخېل پژواک ته وویل، د څښاک پاکو اوبو دا شبکې د خروار ولسوالۍ په «عمرخېل» او د څرخ ولسوالۍ په «ابجوش» سیمو کې د شاوخوا ۱۶ میلیون افغانیو په مالي لګښت د راتلونکو شپږو میاشتو په ترڅ کې جوړېږي.
نائبخېل زیاته کړه، د یادو شبکو لګښت له ماشومانو د ملګرو ملتونو د ملاتړ صندوق/UNICEF ادارې له خوا ورکول کېږي چې په بشپړېدو سره به یې زر کورنۍ پاکو اوبو ته لاسرسى پيدا کړي.
هغه زياتوي: «په دغو شبکو کې د دوه ژورو څاهګانو کېندل، د اوبو ذخیرې، د اوبو نلونه، د اوبو نلکې او د سولري برېښنا برابرول شامل دي.»
بلخوا خلک هم د یادو شبکو جوړېدو ته خوښ دي.
د خروار ولسوالۍ یوه اوسېدونکي رسولګل پژواک ته وویل، د یادې شبکې په جوړېدو سره به سلګونه هغه کورنۍ پاکو اوبو ته لاسرسى پيدا کړي چې دا مهال يې نه لري.
همدارنګه د څرخ ولسوالۍ د ابجوش سیمې یوه اوسېدونکي محمدسلیم پژواک ته وویل، اوسمهال د دغې ولسوالۍ په ډېری سیمو کې خلک د څښاک پاکو اوبو ته لاسرسی نه لري.
هغه وايي، دولت او نړۍوالو بنسټونو ته پکار ده چې د لوګر په ټولو ولسوالیو کې خلکو ته د څښاک پاکو اوبو رسولو شبکې جوړې کړي.
غړيYou need to subscribe to view the full article. Please login or register a new account.
