میدانښار (پژواک، ۲۷ غویی ۱۴۰۲): د میدان وردګو د عامې روغتیا ریاست مسوولین وایي، روانه اوونۍ د دغه ولایت په بېلابېلو سیمو کې د سترګو ناروغیو متخصصانو ټيم له خوا له ۲۰۰۰ ډېرو کسانو وړیا درملنه شوې ده.
هغوی وايي، د ډاکټرانو دغه ټیم د غویي په ۲۲مه له کابله ورغلی او لا هم هلته دی چې په نوبتي ډول بېلابېلو سیمو ته ځي.
د یاد ولایت د عامې روغتیا رئیس ډاکټر زرک ځیرک پژواک خبري اژانس ته وویل: «د سترګو د ناروغیو د متخصصانو له خوا د ولایت په کچه د سترګو له ۲۰۰۰ ډېرو ناروغانو وړیا درملنه شوې چې له دې جملې د ٢٠٠ ناروغانو سترګې عملیات شوې دي او پاتې نورو ته یې درمل ورکړل شوي دي.»
هغه وویل، د میدان وردګو د اوسېدونکو خراب اقتصادي وضعیت ته په کتو دوی هڅه کوي چې په نورو برخو کې هم متخصص ټیمونه دې ته چمتو کړي څو د دغه ولایت اوسېدونکو ته وړیا روغتیایي خدمات وړاندې وکړي.
هغه کسان چې د سترګو متخصصینو یاد ټیم له خوا یې درملنه شوې وه، خوښ دي او هیله لري چې دغه ډول وړیا روغتیایي خدمتونه لا ډېر شي.
د یاد ولایت د نرخ ولسوالۍ اوسېدونکي شکرالله وویل: «سترګو مې سم نه لیدل، د تداوۍ پیسې راسره نه وې، ښه شو دلته یې راته عملیات وکړ او اوس مې د سترګو دید ښه شوی دی.»
د میدان وردګو د مرکز یو اوسېدونکی محمدنعیم هم وايي، د دغه ولایت د ډېری خلکو اقتصادي وضعیت خراب دی او په شخصي لګښت د درملنې توان نه لري.
د میدان وردګو د عامې روغتیا ریاست د مسوولینو په خبره، د سترګو ناروغیو د متخصصینو ټیم به له نن ورسته د دغه ولایت په سیدآباد، چک او جغتو ولسوالیو کې د یوې اونۍ لپاره د سترګو ناروغانو وړیا درملنه کوي.
غړيYou need to subscribe to view the full article. Please login or register a new account.
