کابل (پژواک، ۲۹ غویی ۱۴۰۲): د ملګرو ملتونو د ماشومانو د ملاټر صندوق (یونیسف) وایي چې دغه بنسټ په افغانستان کې له ښځو او ماشومانو سره خپلو مرسته ته دوام ورکوي.
یادې څرګندونې په افغانستان کې د يونيسف استازي فرانک اکيزا نيويارک ښار کې يوې خبري غونډې ته کړي دي.
د هغه په وینا، د افغانستان ۹۰ سلنه وګړي د لوږې له ګواښ او ۲.۳ میلیون ماشومان له خوارځواکۍ سره مخ دي چې له دې ډلې ۸۷۵ زره یې درمنلې او د ماشومانو تغذیې خوړو ته اړتیا لري.
نوموړي وویل، سږکال په ډېر ګومان سره ښايي شاوخوا ۸۴۰ زره امیندواره میرمنې او شیدې ورکوونکي میندې له سختې خوارځواکۍ سره مخ شي.
اکیزا څرګنده کړې، د یاد بنسټ د شمیرو له مخې، د روان کال له جنورۍ تر مارچ میاشتې په افغانستان کې ۱۳۴ ماشومانو ته د ناچاوده توکو د چاودنې له امله مرګژوبله اوښتې.
نوموړي زیاته کړې، افغانستان کې شاوخوا ۱.۶ میلیون کارګر ماشومان شته دي.
د یونیسف استازي په افغانستان د نجونو پر زده کړو د بندیز په اړه هم اندیښنه څرګنده کړې ده.
د هغه په باور، د ماشومانو د زدهکړ حق تر «برید» لاندې نیول شوی او تر درېیو ډېر کلونه کېږي چې په ټول افغانستان کې نجونې له دې حق څخه بې برخې شوي دي.
دا په داسې حال کې ده چې تر دې مخکې هم یونیسف ویلي و، په افغانستان کې د خوارځواکۍ ځانګړو خوړو برابرولو لپاره د بودجې له کمښت سره مخ دي.
غړيYou need to subscribe to view the full article. Please login or register a new account.
