د سلګونه میلیون افغانیو په ارزښت د نهو پروژو تړونونه منظور شول

کابل (پژواک، ۶ غبرګولی ۱۴۰۲): د ملي تدارکاتو کمېسیون د نهو پروژو تړونونه چې ټولیز لګښت يې سلګونه ميلیون افغانیو ته رسېږي، منظور کړي دي.

د ریاست‌الوزراء اقتصادي معاونیت پر خپل ټويټر ليکلي چې نن (شنبه) د ریاست‌الوزراء اقتصادي مرستیال ملا عبدالغني برادر په مشرۍ د ملي تدارکاتو کمېسیون غونډه وشوه.

سرچينه زياتوي: «د ملي تدارکاتو کمېسیون په یاده غونډه کې له اجنډا سره سم پر ۲۴ پروژو مفصل بحث وشو، چې د نهو پروژو قراردادونه یې منظور، د دوو پروژو قراردادونه لغوه او د پاتې نورو پروژو په اړه ګډو کمېټو ته دنده وسپارل شوه، څو یې  تخنیکي ارزونه ترسره او خپل راپور د ملي تدارکاتو کمېسیون راتلونکې غونډې ته وړاندې کړي.»

سرچينه زياتوي، په منظور شوو پروژو کې د کانونو او پټرولیم وزارت، لوړو زده‌کړو وزارت، ټولګټو چارو وزارت، پوهنې وزارت، افغان ملي بانک، د افغانستان برېښنا شرکت او کابل ښاروالۍ بېلابېلې پروژې شاملې دي چې ټولیز ارزښت یې سلګونو میلیونو افغانیو ته رسېږي.

غړي

You need to subscribe to view the full article. Please login or register a new account.