ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ایران کې دوه افغانان اعدام شوي

ایران کې دوه افغانان اعدام شوي

author avatar
8 Jul 2023 - 18:34
ایران کې دوه افغانان اعدام شوي
author avatar
8 Jul 2023 - 18:34

کابل (پژواک، ۱۷ چنګاښ ۱۴۰۲): ایراني رسنیو خبر ورکړی چې نن سهار پر دوو افغان وګړو چې د «شاه‌چراغ زیارت» برید کې پر لاس لرلو تورن وو – د اعدام حکم جاري شو.

د ایران دولتي خبري اژانس ایرنا ویلي، د دغو دوو کسانو د اعدام حکم نن سهار له لمر ختو مخکې «شاه‌چراغ شېراز» زیارت ته نږدې اجرا شوی دی.

د ایران فردا راډیو د رسمي بنسټونو د اعلان له مخې ویلي چې پر شاه‌چراغ زیارت یاد برید د ۱۴۰۱ کال په لړم میاشت کې وشو چې له امله یې ۱۳ کسان ووژل شول او له ۲۰ ډېر ټپيان وو.

د راپورونو له مخې، د دغه برید مسوولیت داعش ډلې اخیستی و.

فردا راډیو لیکي، د ایران د بشري حقونو سازمان تېره ورځ ویلي چې دغو دوو افغانانو (محمد رامز رشیدي او نعیم هاشم قتالي) د اعدام حکم قانوني وجاهت نه لري او له هغو اجباري اعترافات اخیستل شوي دي.

د یاد راپور له مخې، د ایران د بشري حقونو سازمان مدیر محمود امیري ویلي: «دغه دوه افغان وګړي له یوې ناعادلانه محکمې وروسته چې د هغو د مجرمیت هیڅ مدارک نه وو، پر اعدام محکوم شوي دي.»

Views: 49

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.