جلالاباد (پژواک، ۱۹ چنګاښ ۱۴۰۲): ننګرهار کې امنیتي مسوولین وايي چې د دغه ولایت په نازیانو ولسوالۍ کې یې وسلې ترلاسه کړې او په تورخم ښارګوټي کې يې د مسو د قاچاق مخه نیولې ده.
په ختيځ کې د ۲۰۱ خالد بن وليد قول اردو وياند مولوي وحيدالله محمدي د چنګاښ په ۱۹مه پژواک خبري اژانس ته وويل، د دې قول اردو د درېيمې پلې لوا سرتېرو د ننګرهار نازیانو ولسوالۍ په لنډي کلي کې د وسلو يو قاچاقبر له ګڼ شمېر وسلو او بېلابېل ډول مهماتو سره يو ځای نيولی دی.
هغه وویل: «د يو لړ دقيقو کشفي راپورونو پر اساس عملیات ترسره شوي چې په کې يو کس قاچاقبر له پنځه ميله روسي کلاشينکوفونو، دوه جمپرونو، دوه لاسي دودي بمونو، د کلاشينکوف پر یوه قنداغ سربېره او د هاوان، دهشکې، M۱۶، زيکو يو او نورو بېلابېل ډول وسلو مرمۍ او مهمات نيولي دي.»
د يو بل خبر له مخې، د تورخم ګمرک امر انجینر مسلم خاکسار پژواک ته وویل چې دوی د تشریح کارمندانو له لوري په یوه خالي محموله کې هغه وخت ۱۶۷ کیلوګرامه مس ترلاسه شول چې موټرچلوونکي غوښتل ګاوندي هېواد پاکستان ته یې قاچاق او انتقال کړي.
غړيYou need to subscribe to view the full article. Please login or register a new account.
