ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سرپرست حکومت ته د مسکو فارمټ راتلونکې غونډه کې د ګډون بلنه ورکړل شوې ده

سرپرست حکومت ته د مسکو فارمټ راتلونکې غونډه کې د ګډون بلنه ورکړل شوې ده

author avatar
16 Jul 2023 - 00:36
سرپرست حکومت ته د مسکو فارمټ راتلونکې غونډه کې د ګډون بلنه ورکړل شوې ده
author avatar
16 Jul 2023 - 00:36

[restrict paid=”true”]

اټلانټا (پژواک، ۲۴چنګاښ ۱۴۰۲): روسیې د افغانستان په تړاو کېدونکې مسکو فارمت غونډې ته اسلامي امارت ته هم د ګډون بلنه ورکړې ده.

د بهرنیو چارو وزارت ویاند عبدالقهار بلخي د چنګاښ په ۲۴مه د شپې ناوخته یوه ټویټ کې لیکلي چې په کابل کې د روسیې فدراسیون سفیر دیمیتري ژیرنوف د بهرنیو چارو له سرپرست وزیر مولوي امیرخان متقي سره وکتل.

سرچینې زیاته کړې، د روسیې سفیر د افغانستان په اړه د مسکو فارمټ راتلونکې ناستې په اړه د بهرنیو چارو وزیر ته معلومات وړاندې کړل.

دغه راز په دې ناسته کې د روسیې سفیر د بهرنیو چارو وزیر ته د افغانستان په تړاو د مسکو فارمټ په راتلونکې ناسته کې د ګډون بلنه هم ورکړه خو سفیر دا نه دي ویلي چې دا غونډه کله کېږي.

متقي د روسیې له بلنې مننه وکړه او زیاته یې کړه چې مسکو فارمټ د سیمې ترمنځ د همغږۍ په رامنځته کولو کې مهم رول لوبوي.

د بهرنیو چارو وزیر وویل چې د افغان حکومت پلاوو د مسکو په تېرو ناستو کې هم ګډون کړی و.

متقي هیله څرګنده کړه چې کابل او مسکو د ډیپلوماتیکو اړیکو په چوکاټ کې له دې ناستې ښه ګټه پورته کړي.

دغه راز د بهرنیو چارو وزیر سفیر ته یادونه وکړه چې د روسیې په ویزو کې اسانتيا راولي څو تجاران او نور افغانان وکولای شي په اسانۍ دغه هېواد ته سفرونه وکړي.

د یادونې ده، د ۲۰۲۲ په نومبر کې د روسيې له لوري د افغانستان په تړاو وربلل شوې غونډه کې کابل ته د ګډون بلنه نه وه ورکړل شوې.

د روسیې په کوربه‌توب د چین، ایران، هند او پاکستان ترمنځ د غونډو دا لړۍ په ۲۰۱۷ کال کې پیل شوې ده.

[/restrict]

Views: 64

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.