کابل (پژواک، ۲۶ چنګاښ ۱۴۰۲): د اسلامي امارت ویاند وایي، د محرم میاشتې په مناسبت امنیتي ارګانونو پوره امنيتي تدابیر نیولي او د اهل تشیع هېوادوالو مذهبي ازادۍ پر خپل ځای دي، مراسم په هغه ډول چې د دوی مذهبي اصول یې ایجابوي، ترسره کیدلی شي .
د محرم میاشت د ۱۴۰۲ کال د چنګاښ میاشتې په ۲۸مه پیلېږي.
د اسلامي امارت ویاند ذبیحالله مجاهد نن (دوشنبه) پر خپله ټویټرپاڼه د خبرپاڼې په خپرولو سره لیکلي: «دا چې څو ورځې وروسته د محرم لسمه ده او د اهل تشیع هېوادوالو له خوا ځانګړي مراسم په پام کې نیول شوي، د اسلامي امارت امنیتي ارګانونو د دغو مراسمو لپاره پوره امنيتي تدابیر نیولي دي او د اهل تشیع هېوادوالو مذهبي ازادۍ پر خپل ځای دي.»
په خبرپاڼه کې لیکل شوي، په ټولو هغو تکیهخانو کې چې د اهل تشیع هېوادوالو په مېشت ځایونو کې موقعیت لري، غونډې او مراسم په هغه ډول چې د دوی مذهبي اصول ایجابوي، ترسره کېدلی شي.
خبرپاڼه زیاتوي، د لا ډېر امنیت او احتیاطي تدابیرو نیولو په منظور په ځینو ځایونو کې د لویو غونډو دایرېدل یا په ډلهيیز ډول تګ راتګ محدود شوی چې په دې کار کې د اهل تشیع علماوو نظر هم اخیستل شوی او د هغوی له غوښتنو سره سم اقدامات شوي دي.
د خبرپاڼې د معلوماتو له مخې، په ځينو رسنیو کې خپاره شوي راپورونه او تشویشونه حقیقت نه لري، اسلامي امارت له مذهبي اقلیتونو ملاټر کوي او د عبادت او خپلو مراسمو ازادي يې ورکړې ده.
د یادونې ده چې تېر ورځ د کابل والي محمدخالد قاسم هم د اهل تشیع له دیني عالمانو او قومي مشرانو سره په لیدنه کې ویلي وو، امنیتي ځواکونو د محرم په ورځو کې امنیتي تدابیر نیولي او شیعه هېوادوال کولی شي خپل مذهبي مراسم په خوندي فضا کې ترسره کړي.
غړيYou need to subscribe to view the full article. Please login or register a new account.
