د افغانستان پاسپورټ د نړۍ تر ټولو کم‌اعتباره پاسپورټ پېژندل شوی

<p style="text-align: justify;">کابل (پژواک، ۲۸ چنګاښ ۱۴۰۲): د پاسپورټونو نړۍوال اعتبار تازه درجه بندۍ له مخې، په ۲۰۲۳ کال کې د نړۍ تر ټولو بااعتباره پاسپورټ د سنګاپور او تر ټولو کم‌اعتباره پاسپورټ د افغانستان وپېژندل شول.</p>

<p style="text-align: justify;">د هنلي موسسې راپور له مخې، د سنګاپور پاسپورټ په دغه درجه بندۍ کې لومړی ځای لري چې د هغه هېواد اوسېدونکي له ویزې پرته د نړۍ ۱۹۲ هېوادونو ته سفر کولی شي او په دغه درجه بندۍ کې د افغانستان پاسپورټ وروستی ځای لري چې اوسېدونکي یې له ویزې پرته د نړۍ ۲۷ هېوادونو ته سفر کولی شي.</p>

<p style="text-align: justify;">په یاده درجه بندۍ کې المان، ایټالیا او هسپانیه په دویمه رده، اتریش، فنلنډ، فرانسه، جاپان، لوکزامبورګ، جنوبي کوریا، او سويډن په درېیمه رده کې راغلي دي.</p>

<p style="text-align: justify;">دا په داسې حال کې ده چې تېر کال هم د افغانستان پاسپورټ تر ټولو کم‌اعتباره پاسپورت پېژندل شوی و.</p>

<p style="text-align: justify;">هنلي موسسه هر کال دوه ځلي د هوایي لېږد رالېږد له نړۍوال بنسټ (IATA)  څخه را ټولو شوو معلوماتو او هم د ویزې د قوانینو د تجزیې او تحلیل او نړۍوالو مستندو اطلاعاتو پر بنسټ،  په نړۍ کې د با اعتباره پاسپورټونو درجه بندي خپروي.</p>