د کندهار نېښ کې برمې ته لوېدلي یوه سپین‌ږیري ژوند له لاسه ورکړ

[restrict paid=”true”]

اټلانټا (پژواک، ۳۱ چنګاښ ۱۴۰۲): د کندهار په نېښ ولسوالۍ کې یوې برمې ته لوېدلي یوه سپين‌‌ږیري له راایستلو مخکې ژوند له لاسه ورکړی دی.

د کندهار ولایت مقام وایي، نن سهار شاوخوا ۷ بجې د نېښ ولسوالۍ اړوند د وچ مانده سیمه کې د جمادار اکا په نوم یو ۵۵ کلن سپین‌ږیری شاوخوا ۸۰ متره پخوانۍ برمې ته لوېدلی و.

سرچینې زیاته کړې، د کندهار سرپرست والي په مشرۍ د ژغورني ټېم چي د روغتیا برخې ترڅنګ نور تخنیکي کسان هم په کې شامل وو، سیمې ته ځانونه ورسول او د ژغورنې هڅې یې پیل کړې.

د ولایت مقام ویلي، له بده مرغه له ډېرو هڅو  وروسته یاد سپین‌ږیری مړ را ایستل شوی دی.

د یادونې ده، له دې مخکې هم په زابل، کندهار او هلمند ولایتونو کې ګڼ شمېر ماشومان برمو ته لوېدلي او ژوند یې له لاسه ورکړی دی.

[/restrict]