د پاکستان او ملګرو ملتونو استازو د افغانستان حکومت د رسمیت پېژندنې په اړه خبرې کړې دي

<p style="text-align: justify;">[restrict paid="true"]

کابل (پژواک، ۳ زمری ۱۴۰۲): د افغانستان لپاره د پاکستان ځانګړی استازی وایي، د افغانستان لپاره د ملګرو ملتونو له ځانګړي همغږي‌کوونکي سره په لیدنه کې یې د افغانستان سرپرست حکومت د رسمیت پېژندنې په اړه خبرې کړې دي.</p>

<p style="text-align: justify;">د افغانستان لپاره د پاکستان ځانګړي استازي اصف دُراني تېره شپه ناوخته په یوه ټويټ کې د افغانستان لپاره ملګرو ملتونو ځانګړي همغږي‌کوونکي فریدون سینیرلي اوغلو سره له لیدنې خبر ورکړی دی.</p>

<p style="text-align: justify;">د هغه په خبره، په یاده لیدنه کې په افغانستان کې د ښځو حقونو، بانکي محدویتونو، مسدود شوو حسابونو او بشري بحران په اړه هم خبرې شوي دي.</p>

<p style="text-align: justify;"> هغه لیکلي: «نن مو د افغانستان په چارو کې د ملګرو ملتونو همغږي‌کوونکي فریدون سینیرلي اوغلو سره اساسي خبرې کړي، په دې ناسته کې د طالبانو رژیم د رسمیت پېژندنې، د پاکستاني طالبانو پټنځایونو، د ښځو حقونو، بانکي محدویتونو، مسدود شوو حسابونو او بشري بحران په اړه خبرې شوي دي.»</p>

<p style="text-align: justify;">په ورته وخت کې، د پاکستان بهرنیو چارو وزارت یوه ټويټ کې د فریدون سینیرلي اوغلو او د پاکستان په بهرنیو چارو کې د دولت وزیرې حناکهر رباني د لیدنې خبر هم ورکړی دی.</p>

<p style="text-align: justify;"> دغه وزارت زیاته کړې چې په یاده لیدنه کې د افغانانو او په ځانګړي ډول د ښځو او نجونو لپاره د پایداره اقتصادي لاروجوړونې په برخه کې پر نړۍوالو هڅو ټينګار شوی دی.</p>

<p style="text-align: justify;"><img class="aligncenter wp-image-552381 size-full" src="https://pajhwok.com/wp-content/uploads/2023/07/فریدون-سینیرلی-اوغلو-با-حنا-ربانی-کهر.jpg" alt="" width="448" height="318" /></p>

<p style="text-align: justify;">دغه راز، د امریکا بهرنیو چارو وزارت یوه خبرپاڼه کې راغلي، تېره ورځ د دغه هېواد بهرنیو چارو وزیر انتوني بلینکن د پاکستان بهرنیو چارو وزیر بلاول بوټو زرداري سره د اسلام‌اباد او واشنګټن ګډو ګټو او په افغانستان کې د با ثباتي سولې په اړه تیلیفوني خبرې کړي دي.</p>

<p style="text-align: justify;">دا په داسې حال کې ده چې له دې مخکې هم د افغانستان لپاره د پاکستان ځانګړي استازي کابل ته یي له سفر وروسته ویلي و، اسلام‎اباد د افغانستان سرپرست حکومت سره د خپلې خوښې ټولو موضوعاتو سره خپلو فعالو تعاملات ته به دوام ورکوي.</p>

<p style="text-align: justify;">دُرانی د تېرې اونۍ چهارشنبې په ورځ کابل ته راغلی و او د اسلامي امارت له لوړپوړو چارواکو لکه د ریاست‌الوزرا‌ء سیاسي مرستیال مولوي عبدالکبیر او د بهرنیو چارو وزارت له سرپرست مولوي امیر خان متقي سره لیدلي وو.</p>

<p style="text-align: justify;">د یادونې ده، په افغانستان کې د اسلامي امارت له بیا واکمنېدو نږدې دوه کاله تېریږي خو تر اوسه هيڅ یوه هېواد په رسمیت نه دی پېژندلی.

[/restrict]</p>