[restrict paid="true"]
<p style="text-align: justify;">کندهار (پژواک، ۲۳ زمری ۱۴۰۲) ځایي مسوولین وایي، کندهار ښار کې د نعمانیه مدرسې ۲۲ زدهکوونکي مسموم شوي دي.</p>
<p style="text-align: justify;">د کندهار د عامې روغتیا ریاست مرستیال ډاکټر سیداحمد شاداب د زمري په ۲۳مه پژواک خبري اژانس ته وویل، دا مدرسه د ښار دوولسمې حوزې اړوند د لویې ویالې سیمه کې موقعیت لري.<img class=" wp-image-556809 alignleft" src="https://pajhwok.com/wp-content/uploads/2023/08/F3gYFDIaUAETAyX-300x264.jpg" alt="" width="461" height="406" /></p>
<p style="text-align: justify;">هغه زیاته کړه، یادې مدرسې ته نن غرمه له یوه کوره د خیرات ډوډۍ (وريژې او غوښې) ور وړل شوې وه، چې له خوړلو وروسته زدهکوونکي مسموم شول.</p>
<p style="text-align: justify;">د هغه په وینا، مسموم شوي زدهکوونکي میرویس روغتون ته لېږدول شوي وو چې د ټولو روغتیايي حالت د ډاډ وړ ښودل شوی دی.</p>
<p style="text-align: justify;">هغه زیاته کړه، تر اوسه د مسمومیت لامل نه دی معلوم شوی خو ځیني وخت داسې پېښې په خوړو کې د مسالهجاتو له امله هم رامنځته کېږي.</p>
<p style="text-align: justify;">ډاکټر شاداب وایي، له مسموم شوو زدهکوونکو ډېری یې روغ شوي او له روغتونه رخصت شوي خو ځيني یې لا تر درملنې لاندې دي.</p>
<p style="text-align: justify;">کندهار کې له دې مخکې هم خلک د خوړو او غوا د شیدو له امله مسموم شوي وو.</p>
<p style="text-align: justify;">د یادونې ده، تېره اونۍ په خوست ولایت کې هم د یوه ختم او خیرات سلګونه ګډونوال مسموم شوي وو.</p>
[/restrict]
