کابل (پژواک، ۲۷ زمری ۱۴۰۲): د روغتیا نړۍوال سازمان دې ته اشارې سره چې افغانستان کې ۱۴ میلیونه کسان روغتیایي خدماتو ته اړتیا لري، په دغه هېواد کې د روغتیایي سیستم د بودجې د کمښت خبرداری ورکړی او له نړۍوالې ټولنې یې غوښتي چې دې برخه کې خپلو مرستو ته دوام ورکړي.
دغه سازمان نن یوه راپور کې لیکلي چې د افغانستان روغتیايي سیستم د بودجې له کمښت سره مخ دی او ملاتړ ته اړتیا لري.
د دغه بنسټ د شمېرو له مخې، په افغانستان کې د ۷.۵ میلیونو ماشومانو او د ۳،۱ میلیون ښځو په ګډون ۱۴ میلیونه کسان روغتیایي خدماتو ته اړتیا لري.
د روغتیا نړۍوال سازمان خبرداری ورکړی چې له کافي بودجې پرته به په افغانستان کې اته میلیونه کسان روغتیایي مرستو ته له لاسرسي بې برخې شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن