ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

پروان کې د موټرو د ټکر له امله نهه کسان ټپیان شوي

پروان کې د موټرو د ټکر له امله نهه کسان ټپیان شوي

author avatar
10 Sep 2023 - 15:55
پروان کې د موټرو د ټکر له امله نهه کسان ټپیان شوي
author avatar
10 Sep 2023 - 15:55

چاریکار (پژواک، ۱۹ وږی ۱۴۰۲): د پروان امنیه قومانداني وایي، نن سهار د دغه ولایت اړوند د جبل‌السرج – پروان پر عمومي سړک د ترافیکي پېښې له امله نهه کسان ټپيان شوي دي.

د پروان امنیې قوماندانۍ مطبوعاتو دفتر مسوول فضل‌الرحیم مسکین‌یار وایي چې دغه پېښه نن سهار د چاریکار جنګل‌باغ سیمې اړوند د جبل‌السرج – پروان پر عمومي سړک شوې ده.

د هغه په خبره، دوه کرولا او یو پاسو موټر یو له بل سره ټکر شوي چې په پایله کې یې د یادو موټرو نهه سپرلي ټپيان شوي دي.

مسکین‌یار وایي، په ټپیانو کې څلور ښځې او یو ماشوم هم شامل دي چې د درملنې لپاره د پروان ملکي روغتونونو ته لېږدول شوي دي.

دا په داسې حال کې ده چې تېره ورځ هم په یاده لار د ترافیکي پېښې له امله څلور کسان ټپیان شوي وو.

Views: 99

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.