کابل (پژواک، د تلې لومړۍ نېټه ۱۴۰۲): د ملګري ملتونه وايي، د ځمکې د ټول جمعیت ۹۸ سلنه وګړي ککړه هوا تنفس کوي چې کال کې لږ تر لږه د ۶.۷ میلیون انسانانو د مړینې لامل کېږي.
د ملګرو ملتونو سازمان تېره ورځ (جمعه) پر اېکسپاڼه د یوه پيغام خپرولو سره لیکلي: «د هوا ککړتیا د سکته مغزي، د زړه او سږو ناروغیو، د سرطان د ناروغۍ او دغه راز د نورو ناروغیو خطر ډېروي او کال کې له ۶.۷ میلیون ډېرو انسانانو د ژر مړینې لامل کېږي.»
دغه بنسټ زیاته کړه، د نړۍ یوازې دوه سلنه نفوس پاکې هوا ته لاسرسی لري.
یاد بنسټ د «له موټر پرته نړۍواله ورځ» په نوم یو هشتګ هم پوسټ کړی او ویلي یې دي چې لا هم د اقلیمي اقداماتو فرصت شته.»
سرچینې زیاته کړې: «له موټر پرته نړۍواله ورځ ښیي چې ښارونه پرته له موټره څه ډول لیدل کېدای او احساسېدای شي.»
دا په داسې حال کې ده چې څو ورځې مخکې د ملګرو ملتونو چاپېریالساتنې پروګرام مسوولینو د چاپيریالساتنې په نړۍواله ورځ کې ویلي وو، په ټوله نړۍ کې هر کال له ۴۳۰ میلیون ټنه ډېر پلاستیک تولیدېږي چې یوازې یو ځل استعمال لپاره جوړ شوي دي.
غړيYou need to subscribe to view the full article. Please login or register a new account.
