کابل (پژواک، ۲ تله ۱۴۰۲): په افغانستان کې د ملګرو ملتونو د بشري مرستو همغږیکوونکی دفتر (اوچا) وایي، د بشري مرستو فعالو سازمانونو د روان کال له جنورۍ تر جولای میاشتې پورې له ۲۲،۶ میلیون کسانو سره د خوراکي توکو او نورې مرستې کړې دي.
اوچا یوه راپور کې لیکلي، دا مرستې ۹،۷ میلیون کسانو ته د صحي مراقبتونو، ۳،۵ میلیون ماشومانو او امیدوارو ښځو ته د خوارځواکۍ، ۶،۸ میلیون کسانو ته د څښلو پاکو اوبو، د دوه میلیون ماشومانو زدهکړو، ۴۱۳ زره کسانو لپاره د بېړنۍ سرپناه او د ۱،۸ میلیون کسانو خوندیتوب برخو کې شوې دي.
سرچینې زیاته کړې چې د دې مرستو ۸۵۰ میلیون بودجه د ۲۰۲۲ کاله ته لېږدول شوې وه چې د ۲۰۲۳ کال له پیسو سره پوره شوه.
دا په داسې حال کې ده چې تېره ورځ د خوړو نړۍوال سازمان وویل چې افغانستان له سوډان وروسته د نړۍ یو له هغو هېوادونو نه دی چې په کې له یوه میلیون ډېر خلک له سختې لوږې سره مخ دي.
ملګرو ملتونو د ۲۰۲۳ کال په پیل کې له نړیوالې ټولنې غوښتي و چې په افغانستان کې د مرستو د پروګرامونو د دوام په موخه ۳،۲۶ میلیارده ډالر برابر کړي، خو تر اوسه تمویل کوونکو هېوادونو، یوازې ۸۰۰ میلیونه ډالر دغه سازمان ته ځانګړي کړي دي.
غړيYou need to subscribe to view the full article. Please login or register a new account.
