<p style="text-align: justify;">اټلانټا (پژواک، ۲۱ تله ۱۴۰۲): د یوه ورځني کرکټ نړۍوال جام سیالیو په لړ کې نیوزیلیند بنګلهدېش ته په اسانۍ سره ماتې ورکړه.</p>
<p style="text-align: justify;">دا لوبه چې د جمعې په ورځ د تلې په ۲۱مه، د هند په چنایي ښار کې ترسره شوه، پچه یې نیوزیلینډ وګټله، لومړی یې بنګلهدېش ته د توپوهنې بلنه ورکړه.</p>
<p style="text-align: justify;">د بنګلهدېش لوبډلې په ټاکل شوو ۵۰ اورونو کې د نهو لوبغاړو په سوځېدلو ۲۴۵ منډې جوړې کړې او نیوزیلینډ ته یې د ۲۴۶ منډو هدف ورکړ.</p>
<p style="text-align: justify;">نیوزیلینډ دغه هدف په درې څلوېښتم اور کې د دوو لوبغاړو په سوځېدلو ترلاسه کړ او لوبه یې وګټله.</p>
<p style="text-align: justify;">له دې درېیمې بریا سره نیوزیلینډ د نمرو په جدول کې لومړی مقام خپل کړ، یادې لوبډلې له دې مخکې انګلستان او نیدرلینډ هېوادونو ته ماتې ورکړې دي.</p>
<p style="text-align: justify;">بنګلهدېش بیا له افغانستانه لوبه ګټلې، نیوزیلینډ او انګلستان ته یې بایللې ده.</p>
<p style="text-align: justify;">د دغه جام په ترڅ کې افغانستان تر اوسه دوه لوبې کړې چې دواړه يې بایللې دي.</p>
