کابل (پژواک، ۱۲ لړم ۱۴۰۲): د اسلامي امارت وياند ذبيحالله مجاهد وايي، له پاکستانه راستنېدونکو افغان کډوالو ته د کورنیو او بهرنیو مرستو د جلب په موخه دوه بانکي حسابونه پرانیستل شول.
د اسلامي امارت وياند ذبيحالله مجاهد پر خپله اېکسپاڼه ليکلي چې له راستنېدونکو افغان کډوالو سره د کورنيو او بهرنیو مرستو د جلب په موخه دوه بانکي حسابونه پرانیستل شوي دي.
هغه زياته کړې چې د کورنيو مرستو (افغانۍ) راټولولو لپاره په «د افغانستان بانک» او بهرنيو مرستو (ډالر) لپاره په «افغان يونايټېډ بانک» کې حسابونه پرانیستل شوي دي.
مجاهد ویلي، هر څوک کولای شي د یادو بانکي حسابونو له لارې له «مهاجرو هېوادوالو» سره خپله مرسته وکړي.
login or register a new account.
