ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

 د سمنګان د رباتک چک‌ډیم جوړېدو چارې پیل شوې

 د سمنګان د رباتک چک‌ډیم جوړېدو چارې پیل شوې

author avatar
6 Nov 2023 - 16:12
 د سمنګان د رباتک چک‌ډیم جوړېدو چارې پیل شوې
author avatar
6 Nov 2023 - 16:12

ایبک (پژواک، ۱۵ لړم ۱۴۰۲): سمنګان کې مسوولین وايي چې د دغه ولایت په مرکز کې د موسمې سېلابونو د مخنیوي، د باران د اوبو ذخیره کولو او د ځمکې لاندې اوبو د سرچینو پیاوړتیا په موخه د رباتک چک‌ډیم جوړولو چارې پیل شوې.

د سمنګان د سیندیزې حوزې رییس ملا محمدعمر انس پژواک خبري اژانس ته وویل، د رباتک چک‌ډیم چې د اوبو او برېښنا وزارت د تخنیکي ټېم له لوري سروې شوی او د موسمي سېلابونو د مخنیوي، د باران د اولو ذخیره کولو او د ځمکې لاندې اوبو د پیاوړتیا په موخه ډیزاین شوی و، د جوړولو عملي کار یې پیل شوی دی.

هغه زیاته کړه چې د سمنګان د رباتک چک‌ډیم له مهمو چک‌ډیمونو دی چې د سیمې خلک کولای شي له اوبو یې په کرنه او مالدارۍ کې او په ورته وخت کې د څښاک لپاره هم ترې استفاده وکړي او دغه بند به ۸۵،۵ متره لوړوالی او ۴۵ متره اوږدوالی ولري.

انس زیاته کړه چې دغه پروژه د اوبو او برېښنا وزارت له لوري تمویل او د خُلم – ایبک د سیندیزې حوزې د ریاست له لوري تطبیقېږي چې ټولټال لګښت یې دوه میلیونه او پنځه‌سوه زره افغانۍ دی.

د هغه په خبره، دغه چک‌ډیم به د ۶۶۳۲ متر مکعب اوبو د زېرمه کولو ظرفیت ولري.

د سمنګان د سیندیزې حوزې رییس وویل چې د یاد چک‌ډیم په جوړېدو سره به د څښاک پاکو اوبو ته د سمنګان د رباتک کلي د خلکو د نه لاسرسي ستونزه هم هواره شي.

د سمنګان د رباتک چک‌ډیم جوړولو چارې په داسې حال کې پیل شوې چې څه موده مخکې د هېواد د اوبو او برېښنا وزارت سرپرست دغه ولایت ته د سفر په ترڅ کې د سمنګان د زاړه ښار د یادکاري چک‌ډیم جوړولو د کار پرانیسته وکړه او ژمنه یې کړې وه چې په نږدې راتلونکي کې به د دغه ولایت د اب‌کلي بند جوړېدو چارې هم پیل شي.

Views: 24

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.