د رېښتر په کچه ۴.۹ درجې زلزلې بدخشان ولړزاوه

فیض‌اباد (پژواک، ۲۱ لېندۍ ۱۴۰۲): نن سهار شاوخوا ۶:۴۰ بجې د رېښتر په کچه ۴.۹ درجې یوې زلزلې د بدخشان ولایت ځینې برخې ولړزولې.

د دغې زلزلې مرکز د بدخشان ولایت ازغنج‌خواه ولسوالي او ژوروالی یې ۱۴۴ کیلومتره د ځمکې لاندې ښودل شوی دی.

د بدخشان له طبیعي پېښو سره د مبارزې ریاست پېښو ته د رسېدو برخې امر ‎محمد کامګار د یادې زلزلې په تایید سره ویلي چې تر اوسه له دې امله د اوښتو مالي او ځاني زیانونو ‎په اړه معلومات نشته.