بغلان کې د مرمۍ چاودنې دوه ماشومان وژلي او اته نور ټپيان دي

<p style="text-align: justify;">پلخمري (پژواک، ۲۷ مرغومی ۱۴۰۲): د بغلان ولایت په مرکزي بغلان ولسوالۍ کې د یوې مرمۍ چاودنې له امله دوه ماشومان وژل شوي او اته نور ټپیان دي.</p>

<p style="text-align: justify;">د بغلان امنیې قوماندانۍ ویاند مولوي شېراحمد برهاني نن (د مرغومی ۲۷مه) پژواک خبري اژانس ته وویل، یاده پېښه پرون د مرکزي بغلان ولسوالۍ اړوند «کهنه قلعه» کلي کې شوې ده.</p>

<p style="text-align: justify;">د ولسوالۍ د روغتون امر ډاکټر عبید وایي، د پېښې له ځایه د ماشومانو دوه مړي او اته ټپيان وروړل شوي دي.</p>

<p style="text-align: justify;">د هغه په خبره، وژل شوي ماشومان نهه او لس کلن وو.</p>

<p style="text-align: justify;">خو بلخوا بیا د امنیې قوماندانۍ مسؤولین وايي، په دې پېښه کې یو ماشوم وژل شوی او اته نور ټپيان دي.</p>