د سالنګ لویه لار د مسافر وړونکو موټرو پر مخ پرانیستل شوه

کابل (پژواک، ۲۴ کب ۱۴۰۲): د ټولګټو وزارت وایي، د سالنګ لویه لار چې د واورې ورېدو او سخت توپان له امله له تېرو دوو شپو راهیسې تړل شوې وه، نن د مسافر وړونکو موټرو پر مخ بېرته پرانیستل شوه.

د ټولګټو وزارت ویاند محمداشرف حق‌شناس پر خپله اېکس‌پاڼه د یاد مطلب څرګندولو ترڅنک لیکلي، په پیل کې له سوېله شمال ته مسافر وړونکو موټرو ته د حرکت اجازه ورکول کېږي او له شماله سوېل ته به هم ډېر ژر د حرکت اجازه ورکړل شي.

هغه لیکلي چې مسافر وړونکي وسایط د ورځې په اوږدو کې له دواړو خواوو تګ راتګ کولای شي.

هغه له مسافرو او موټرچلوونکو غوښتي چې د ژمني وسایلو او تجهیزاتو درلودو ترڅنګ دې پوره احتیاط او د سالنګونو موظفینو لارښوونو ته دې پام وکړي.