کابل (پژواک، ۲۹ وری ۱۴۰۳): د افغانستان د تکواندو فدراسیون وایي چې محمدشفیع رستمي د هېواد د تکواندو او پاراتکواندو لوبڅار د روان ۲۰۲۴ کال د پاریس پارالمپیک سیالیو کې د لوبڅارۍ جواز ترلاسه کړی دی.
د افغانستان د تکواندو فدراسیون پرون پر خپله فېسبوکپاڼه لیکلي، محمدشفیع رستمي د ۲۰۲۴ کال د پاریس پارالمپیک سیالیو کې د لوبڅارۍ جواز ترلاسه کړی دی.
د تکواندو فدراسیون د ۲۰۲۴ کال پاریس پارالمپیک لوبو کې لوبڅارۍ ته د رستمي غوره کېدو له امله هېوادوالو ته مبارکي ویلې ده.
د راپورونو له مخې، د پاریس المپیکي سیالۍ د روان ۲۰۲۴ کال د جولای له ۱۱مې تر اګسټ میاشتې پورې په فرانسه کې ترسره کېږي.
GET IN TOUCH
NEWSLETTER
SUGGEST A STORY
PAJHWOK MOBILE APP