<p style="text-align: justify;">فیضاباد (پژواک، ۲ غویی ۱۴۰۳): بدخشان کې ځايي مسوولین وايي چې د روان کال په تېره یوه میاشت کې د ترافیکي پېښو له امله د دغه ولایت په مرکز او ولسوالیو کې ۲۲ کسان مړه شوي او ۲۸ نور ټپيان شوي دي.</p>
<p style="text-align: justify;">د بدخشان د پولیسو ویاند احسانالله کامګار پژواک خبري اژانس ته وویل، د روان کال په تېره یوه میاشت کې د دغه ولایت په مرکز او ولسوالیو کې ۲۰ ترافیکي پېښې شوې دي.</p>
<p style="text-align: justify;">نوموړي وویل چې په یادو پېښو کې د ښځو او ماشومانو په ګډون ۲۲ کسان مړه شوي او ۲۸ نور ټپيان شوي دي.</p>
<p style="text-align: justify;">هغه زیاتوي چې په دغه ولایت کې د ترافیکي پېښو تر ټولو مهم لامل د موټرونو له حد ډېر سرعت او د موټرچلوونکو بېاحتیاطې بلل شوې ده.</p>
<p style="text-align: justify;">نوموړي له موټرچلوونکو غوښتي چې د خپل ځان او سپرلیو ژوند ساتلو لپاره د سفر پر مهال ترافیکي قوانین په جدي ډول مراعات کړي، له دې پرته به له سرغړونکو سره قانوني چلند وشي.</p>
