چاریکار (پژواک، ۱۲ غویی ۱۴۰۳): د سالنګونو د ساتنې او څارنې ریاست وايي، د سالنګ لویه لار چې تېره شپه د توپان او یخک له امله تړل شوې وه، بېرته د کوچنیو موټر پرمخ پرانیستل شوې ده.
دغه لویه لار چې پلازمېنه د هېواد له شمال سره نښلوي، د واورې ورېدو، توپان او د لید ساحې محدودیت له امه د تېر شپې له اتو بجو راهیسې تړل شوې وه، نن سهار بېرته د ترافیکو پرمخ پرانیستل شوه.
د سالنګونو ساتنې او څارنې رییس مولوي عبدالحلیم اغا وايي چې دغه لاره بېرته د کوچینو موټرو پرمخ خلاصه شوې ده.
د هغه په خبره، دا مهال واوره او توپان درېدلي دي.
