<p style="text-align: justify;">کابل (پژواک، ۱۹ غبرګولی ۱۴۰۳): ملګرو ملتونو د اسرائیل پوځ د ماشومانو خلاف د هغو دولتونو او وسلهوالو ډلو په نوملړ کې شامل کړی چې ټاکل شوې راتلونکې اونۍ امنیت شورا ته وړاندې شي.</p>
<p style="text-align: justify;">د ګارډین د <strong><a href="https://www.theguardian.com/world/article/2024/jun/07/united-nations-israel-children-rights-violation">راپور</a> </strong>له مخې، په ملګرو ملتونو کې د اسراییلو استازي ګیلاډ ارډن د دغو څرګندونو تر څنګ ویلي: «زه د سرمنشي دې شرموونکې پریکړې حیران او خپه کړی یم.»</p>
<p style="text-align: justify;">په راپور کې د ماشومانو وژل، معیوب کول، پرې جنسي تېري، د ماشومانو تښتول یا استخدام او پر ښوونځیو او روغتونونو بریدونه د اسراییلو د پوځ سرغړونې بلل شوي دي.</p>
<p style="text-align: justify;">د اسراییلو د بهرنیو چارو وزیر ویلي چې دا پریکړه به له ملګرو ملتونو سره د هغه هېواد پر اړیکو - چې له مخکې کړکیچنې دي - اغېز وکړي.</p>
<p style="text-align: justify;">په راپور کې راغلي، اټکل کیږي چې غزه کې د اته میاشتنۍ جګړې په اوږدو کې له ۳۶۵۰۰ وژل شویو کسانو څه باندې ۱۳۰۰۰ یې ماشومان دي.</p>
