غزني د دوو رغنیزو پروژو چارې پيل شوې

<p style="text-align: justify;">غزني ښار (پژواک، ۲۲ زمری ۱۴۰۳): په غزني ښار کې د ۱۴ میلیون افغانیو په لګښت د سړکونو د جدولونو جوړولو او رنګولو چارې پيل شوې.</p>

<p style="text-align: justify;">د اړوندې موضوع په اړه جوړې شوې غونډې ته د غزني ښاروال مولوي محمدنبي حمزه وویل چې د غزني ښار په لومړۍ، دویمه، درېیمه او څلورمه ناحیو کې د سړکونو د جدولونو جوړولو او رنګولو چارې پيل شوې.</p>

<p style="text-align: justify;">هغه وویل چې پر دغو پروژو شاوخوا ۱۴ میلیونه افغانۍ لګښت راځي او په دوو میاشتو کې به یې چارې بشپړې شي.</p>

<p style="text-align: justify;">ښاروال هيله وښوده چې د دغو پروژو په پلي کېدو سره به ترافیکي پېښې او ګڼه ګوڼه تر یوه حده کم شي.</p>

<p style="text-align: justify;">د هغه په وینا، په دغو پروژو کې یو شمېر کسانو ته د کار زمینه هم برابره شوې ده.</p>

<p style="text-align: justify;">بل لورته، د دغو پروژو یوه کارګر یوسف پژواک ته وویل، خوښ دی چې په سیمه کې ورته د کار زمینه برابره شوې ده.</p>

<p style="text-align: justify;">هغه وايي: «دا څه وخت بې‌کاره وم، د کور کرايه مې نه لرله دا پروژې چې پیل شوې موږ ته کار پیدا شو او خوشحاله یو چې حلال رزق ګټو.»</p>

<p style="text-align: justify;">د یادونې ده، دا مهال په غزني کې د یو شمېر نورو رغنیزو پروژو چارې هم روانې دي چې په نږدې راتلونکي کې به ګټې اخیستنې ته وسپارل شي.</p>