خوست کې د څلورو ولایتونو ترمنځ د فوټسال سیالۍ پيل شوې

<p style="text-align: justify;">خوست ښار (پژواک، ۹ وږی ۱۴۰۳): ځایي سرچینې وایي، په خوست ولایت کې د څلورو ولایتونو د لوبډلو ترمنځ د فوټسال سیالۍ پیل شوې خو ځيني لوبغاړي د دې لوبې د معیاري لوبغالي جوړېدو غوښتنه کوي.</p>

<p style="text-align: justify;">د ځوانانو راډيو د فوټسال لوبو مسوول اميد يوسفزي پژواک خبري اژانس ته وويل چې دغه لوبې په خوست ښار کې د پکتیا، پکتیکا، لوګر او خوست ټیمونو ترمنځ پيل شوې.</p>

<p style="text-align: justify;">هغه وویل چې د یادو سیالیو د ترسره کېدو موخه، د ځوانانو لپاره سالمه بوختيا رامنځته کول او د دې لوبې پرمختګ دی.</p>

<p style="text-align: justify;">ده هیله څرګند کړه چې له دغو لوبو څخه لوبغاړي د فوټسال ملي او نړۍوالو لوبو ته لار پيدا کړي.</p>

<p style="text-align: justify;">د خوست فوټسال لوبډلې یوه لوبغاړي سيدالله پژواک ته وويل: «زموږ د فوټسال له فدراسيون څخه دا هيله ده چې فوټسال لوبو ته توجه زياته کړي او معياري ميدانونه راته جوړ کړي.»</p>

<p style="text-align: justify;">ورته مهال، د پکتيا ولايت يوه لوبغاړي ميراغا نوري هم وويل: «ځوانانو لپاره دې معياري لوبغاړي جوړ شي څو پرمختګ وکړي، له نشه‌يي توکو څخه منع شي. دا لوبې زموږ لپاره ډېرې مهمې دي.»</p>

<p style="text-align: justify;">د يادونې ده چې دا لومړی ځل دی چې په خوست کې د ولايتونو په کچه د فوټسال سیالۍ جوړېږي.</p>

<p style="text-align: justify;"></p>