سمنګان کې د ډبرو سکرو یوه کان نړېدو له امله یو کارګر مړ شوی

اېبک (پژواک، ۲۸ تله ۱۴۰۳): سمنګان کې ځایي مسوولین وايي، د دغه ولایت د دره صوف ولسوالۍ کې د ډبرو سکرو یوه کان نړېدو له امله یوه کارګر ژوند له لاسه ورکړی دی.

د سمنګان امنیې قوماندانۍ ویاند حشمت‌الله رحماني پژواک خبري اژانس ته وویل، یاده پېښه پرون د دغه ولایت د دره صوف ولسوالۍ په (بي‌تو ګورګ تور) کلي کې شوې ده.

هغه زیاته کړه، په پېښه کې د دره صوف ولسوالۍ د کمج کلي یوه ځوان ژوند له لاسه ورکړی دی.

دا په داسې حال کې ده چې څه موده مخکې د سمنګان د دره صوف بالا ولسوالۍ د ډبرو سکرو یوه کان کې د ګازنیونې له امله درې کسانو ژوند له لاسه ورکړی و.