لوګر کې د ترافیکي پېښو له امله لس کسان ټپيان شوي

<p style="text-align: justify;">پل‌علم (پژواک، ۲۸ تله ۱۴۰۳): د لوګر امنیه قومانداني وایي چې د کابل - لوګر پر لویه لار په دوو جلا ترافیکي پېښو کې لس کسان ټپيان شوي دي.</p>

<p style="text-align: justify;">د لوګر د ترافیکو مدیریت مطبوعاتي مسوول ګل‌محمد همت پژواک خبري اژانس ته وویل، تېره ورځ د مرکز پل‌علم ښار اړوند په خواجه محمداکبر سیمه کې دوو ټوډي او دوو سراچه موټرو ټکر کړی دی.</p>

<p style="text-align: justify;">هغه وايي چې په دې پېښه کې اته کسان ټپیان شوي دي.</p>

<p style="text-align: justify;">هغه دغه راز وویل چې دویمه پېښه د کابل - لوګر پر لویه لار د کلنګار سیمه کې د یوې ریکشا او سراچه موټر د ټکر له امله شوې.</p>

<p style="text-align: justify;">هغه وايي چې په دې پېښه کې د یوې ښځې په ګډون دوه کسان ټپیان شوي دي.</p>

<p style="text-align: justify;">همت زیاته کړه، د دغو ترافیکي پېښو د یو شمېر ټپيانو روغتیايي حالت نازک ښودل شوی او د ښې درملنې لپاره پلازمېنې کابل ته لېږدول شوي دي.</p>

<p style="text-align: justify;">ده وویل چې دغه ترافیکي پېښې د موټرچلوونکو د ګړندي تګ او بې‌احتیاطۍ له امله شوې دي.</p>