لغمان کې له کډوالۍ راستنو شوو کورنیو ته د کورونو جوړولو لړۍ پیل شوه

مهترلام (پژواک، ۳ لړم ۱۴۰۳): د لغمان سیمه‌ییز مسوولین وایي، د دغه ولایت په مرکز مهترلام، الینګار، قرغیو او بادپښ ولسوالیو کې له کډوالۍ تازه راستنو شوو ۳۱۰ کورنیو د کورونو جوړولو لړۍ پیل شوه.

د لغمان ولایت د کډوالو او بېرته راستنېدونکو چارو رییس مولوي غلام‌الرحمن بلال پژواک خبري اژانس ته وویل، نن یې په مرکز مهترلام او درېیو ولسوالیو کې له کډوالۍ بېرته راستنو شوو ۳۱۰ کورنیو ته د ملګرو ملتونو د کډوالو عالي کمېشنرۍ له خوا د یو اعشاریه درې میلیونه امریکایي ډالرو په لګښت د سرپناه جوړولو چارې پیل شوې.

مولوي بلال وویل، هرې کورنۍ ته دوه خونې، یو دهلیز، یو تشناب او یو پخلنځی په پام کې نیول شوي چې د یو کال په موده کې به یې رغنېزې چارې بشپړې شي.

ورته مهال، هغه کورنۍ چې کورونه ورته جوړېږي خوښې دي چې په وړیا ډول ورته سرپناه برابرېږي.

تراوسه نه ده معلومه چې د یاد شمېرونو پر جوړولو څومره لګښت کېږي.