<p style="text-align: justify;">کابل (پژواک، ۱۵ لړم ۱۴۰۳): د راپورونو له مخې، د پاکستان په کراچۍ ښار کې د ناپېژانده وسلهوالو له خوا ډزو کې دوه چینایان ټپیان شوي دي.</p>
<p style="text-align: justify;">د هند <strong><a href="https://timesofindia.indiatimes.com/world/pakistan/shooting-in-karachi-injures-two-chinese-nationals/articleshow/114970429.cms">ټاماېفانډيا</a> </strong>راپور ورکړی چې پر یادو چیني وګړو دغه برید د کراچۍ ښار په یوه سوداګریزه سيمه کې شوی دی.</p>
<p style="text-align: justify;">سرچينه لیکي، د کراچۍ ښار د پولیسو یو مشر فیضانعلي هم د دوو چینایانو ټپي کېدل تایید کړي خو په اړه یې نور جزئیات نه دي ورکړي.</p>
<p style="text-align: justify;">د کراچۍ ښار د لیاقت ملي روغتون ویاند ویلي، روغتون ته دوه ټپي چينايان ورړول شوي چې د یوه روغتيايي وضعیت د اندېښنې وړ دی.</p>
<p style="text-align: justify;">تر دې دمه د یاد برید مسوولیت چا پر غاړه نه دی اخيستی.</p>
<p style="text-align: justify;">دا په داسې حال کې ده چې د تېرې تلې مياشتې په ۱۶مه هم د پاکستان په کراچۍ کې د چیني انجینرانو پر یوه کاروان چاودنه شوې وه چې له امله یې دوه چینایان وژل شوي وو، یو چیني او شاوخوا لس پاکستانیان ټپیان وو.</p>
