<p style="text-align: justify;">مزارشریف (پژواک، ۱۹ لړم ۱۴۰۳): د بلخ ولایت د غرختونکو فدراسیون وایي چې د دغه فدراسیون نههکسیزې ډلې وکولای شول د عليباتور غره تر ټولو لوړه څوکه فتح کړي.</p>
<p style="text-align: justify;">د بلخ غرختونکو فدراسیون سرپرست مومن سروري وویل چې د دغه فدراسیون نههکسیزه ډله د سیاحت او غرهختنې فرهنګ دودولو په موخه د دغه ولایت د مارمل ولسوالۍ د عليباتور غره ۲۲۵۰ متره لوړې څوکې ته وختل.</p>
<p style="text-align: justify;">نوموړي دغه یوه ورځنۍ غرختنه طبیعي ګرځندوی او غرختنې فرهنګ دودولو په موخه ترسره شوه.</p>
<p style="text-align: justify;">بلخوا، د یادو غرهختونکو مشر رضا رضایي بیا د غرهختنې موخه دغه ورزش ته د نورو ځوانانو هڅول بولي او زیاتوي چې دا چاره کولای شي د غرختنې ورزش ورسره وده وکړي.</p>
<p style="text-align: justify;">عليباتور د بلخ د مارمل ولسوالۍ هغه غرونه دي چې د زرغونه ځنګلونه، بېلابېل مرغان او ان ځیني نایاب حیوانات لکه هوسۍ او نور لري.</p>
