<p style="text-align: justify;">لښکرګاه (پژواک، ۲۷ مرغومی ۱۴۰۳): د هلمند ځایي مسوولین وايي، د دغه ولایت په نوزاد ولسوالۍ کې د څهکم ۲۲۰ زره امریکايي ډالرو په لګښت درې چکډیمونه جوړ او ګټې اخیستنې وسپارل شول.</p>
<p style="text-align: justify;">د هلمند ولایت د والي ویاند مولوي محمدقاسم ریاض پژواک خبري اژانس ته وویل، د نوزاد ولسوالۍ په خواجهجمال، بادخانې او تورخان سیمو کې د ډنمارک کمېټې په مالي لګښت درې چکډیمونه جوړ او ګټې اخیستنې ته سپارل شوي دي.</p>
<p style="text-align: justify;">هغه وویل، یاد چکډیمونه د شپږو میاشتو په موده کې جوړ شوي چې ۲۱۷ زره امریکايي ډالر لګښت ورباندې شوی دی.</p>
<p style="text-align: justify;">د هغه په خبره، د دغو چکډیمونو په جوړېده سره به هلته د بارانونو لسګونه زره مترمکعبه اوبه ذخیره کېږي چې د تر ځمکې لاندې اوبو کچه به ورسره لوړه شي.</p>
<p style="text-align: justify;"></p>
<p style="text-align: justify;"></p>
