<p style="text-align: justify;">کابل (پژواک، ۲۷ مرغومی ۱۴۰۳): د ریاستالوزراء اقتصادي معاونیت وايي، د اسلامي امارت د مشرتابه له لوري د صنعتي ساحو قانون په یوه مقدمه، شپږو بابونو، ۱۱ فصلونو او ۶۷ مادو کې توشېح شوی دی.</p>
<p style="text-align: justify;">د ریاستالوزراء اقتصادي معاونیت دغه خبر نن پر خپله اېکسپاڼه خپور کړی دی.</p>
<p style="text-align: justify;">سرچینې لیکلي، د صنعتي ساحو قانون موخې عبارت دې له: د صنعتي ساحو د تنظیم له لارې د افغانستان اقتصاد ته وده او پراختیا ورکول، د خصوصي سرماګذارۍ د جلب او جذب لپاره زمینه برابرول، د صنعتي ساحو د مدیریت، ساتنې او مراقبت زمینه برابرول.</p>
<p style="text-align: justify;">سرچینې زیاته کړې، د دغه قانون حکمونه پر دولتي، خصوصي او مشارکتي صنعتي ساحو باندې تطبیقېږي.</p>
<p style="text-align: justify;">د سرچینې د معلوماتو له مخې، د صنعت او سوداګرۍ وزارت د دغه قانون د حکمونو د تطبیق مرجع ده.</p>
