<p style="text-align: justify;">کابل (پژواک، ۴ کب ۱۴۰۳): رسنیو د امریکا د دفاع وزارت د یوه چارواکي له قوله راپور ورکړی چې پنتاګون راتلونکې اونۍ خپل ۵۴۰۰ کارکوونکي له دندو ګوښه کوي.</p>
<p style="text-align: justify;"><strong><a href="https://www.reuters.com/world/us/trump-musk-slashing-government-draws-backlash-even-among-some-republicans-2025-02-21/">رویټرز</a> </strong>اژانس پرون د امریکا دفاع وزارت (پنتاګون) د یوه چارواکي له قوله راپور ورکړی چې دغه اقدام د یاد هېواد د ولسمشر ډونالډ ټرمپ له لوري د فدرال دولت د کاري ځواک کمولو په موخه شوی دی.</p>
<p style="text-align: justify;">د راپور له مخې، د یادو کارکوونکو د ګوښه کولو پروسه به راتلونکې اونۍ پیل شي.</p>
<p style="text-align: justify;">د پنتاګون یاد چارواکي زیاته کړې چې د امریکا د دفاع وزارت اراده لري چې د خپلو غیرنظامي کارکوونکو شمېر پنځه تر اته سلنې کم کړي چې د پنتاګون د ۹۵۰ زره غیرنظامي ځواکونو یوه برخه ده.</p>
