نورستان کې د ترافیکي پېښې له امله ۱۱ کسان ټپيان شوي

جلال‌اباد (پژواک، ۲۹ کب ۱۴۰۳): نن سهار د نورستان په دواب ولسوالۍ کې د ترافیکي پېښې له امله ۱۱ کسان ټپبان شوي دي.

د نورستان ولایت د امنیې قوماندانۍ ویاند غلام‌الرحمن حیدري نن (د کب ۲۹مه) پژواک خبري اژانس ته وويل، نن سهار شپږ بجې د دواب ولسوالۍ اړوند د دهن‌پيار کلي کې یو مسافروړونکی ډاډسن موټر له سړکه اوښتی او کندې ته غورځېدلی دی.

هغه وويل، دې پېښه کې ۱۱ کسان ټپيان شوي دي.

د نوموړي په خبره، سيمې ته د دواب ولسوالۍ د امنیه قومانداني پرسونل رسېدلی او ټپيان يې د دواب ملکي روغتون ته لېږدولي دي.

د پېښې لامل تر اوسه نه دی معلوم، خو ډېری وخت دغه ډول پېښې د سړکونو خرابوالي، د موټرچلوونکي د بې‌احتیاطۍ او موټر کې د تخنیکي ستونزو له امله رامنځته کېږي.