کابل (پژواک، ۲۶ وری ۱۴۰۴): د افغانستان کرکټ بورډ وایي، افغان ابدالیان کرکټ لوبډله په درې اړخیزه لوبلړۍ کې نن له سریلانکا الف لوبډلې سره یو ورځنۍ لوبه ترسره کوي.
د افغانستان کرکټ بورډ نن په یوه خبرپاڼه کې لیکلي چې افغان ابدالیان لوبډله په درې اړخیزه لوبلړۍ کې نن (سهشنبه) د سریلانکا الف لوبډلې پر وړاندې د سیالۍ ډګر ته ښکته کېږي.
سرچینې ویلي، دغه لوبه به د کابل په وخت سهار ۱۰:۳۰ بجې د متحده عربي اماراتو د ابوظبۍ په زاید کرکټ لوبغالي کې پیل شي.
یادې سیالۍ افغانستان کې د یو خصوصي تلویزیون له خوا په ژوندی بڼه نشریږي.
دغه درې اړخیزه سیالۍ تېره یکشنبه د افغان الف «افغان ابدالیان»، د سریلانکا الف او ایرلینډ الف لوبډلو ترمنځ په متحده عربي اماراتو کې د افغانستان په کوربهتوب پیل شوې دي.
د یادونې ده، د دغو سیالیو لومړۍ لوبه د سریلانکا الف او ایرلینډ الف لوبډلو ترمنځ ترسره شوه چې سریلانکا لوبډلې په کې بریا تر لاسه کړه.
