لښکرګاه (پژواک، ۵ غویی ۱۴۰۴ ): د هلمند سیمهییز مسوولین وايي چې د دغه ولایت د نهرسراج ولسوالۍ مقام لپاره د څه باندې ۲۰ میلیون افغانیو په لګښت نوې ودانۍ جوړه او ګټې اخیستنې ته وسپارل شوه.
د دې ودانۍ د پرانیستو په مراسمو کي د کورنیو چارو وزارت تأمیناتي معینیت د تعمیراتو لوی ریاست او ګڼو نورو مسوولینو برخه اخیستې وه.
د هلمند د والي ویاند مولوي محمدقاسم ریاض پژواک خبري اژانس ته وویل، دغه ودانۍ په درېیو پوړونو کې د نهرسراج ولسوالۍ په یکلنګ سیمه کې د څه باندې ۲۰ میلیونه او ۵۰۰ زره افغانیو په لګښت په اساسي او معیاري ډول جوړه او ګټې اخیستنې ته وسپارل شوه.
د نوموړي په وینا، د یادې ودانۍ چارې د یوه خصوصي ساختماني شرکت له لوري د هلمند ولایت د مقام تر څارنې لاندې د ۱۲ میاشتو په موده کې جوړه شوې ده.
ریاض زیاته کړه چې د دې ودانۍ د جوړېدو لګښت د کورنیو چارو وزارت له لوري ورکړل شوی دی.
GET IN TOUCH
NEWSLETTER
SUGGEST A STORY
PAJHWOK MOBILE APP