کابل (پژواک، ۲۲ غویی ۱۴۰۴): د اسلامي امارت د تخنیکي او مسلکي زدهکړو ادارې سرپرست د کازان په شپاړلسم پړاو نړۍواله ناسته کې د ګډون په موخه روسیې ته ولاړ.
د یادونې ده، د کازان (روسیه او اسلامي نړۍ) نړۍواله غونډه د روانې غویي میاشتې له ۲۳مې څخه تر ۲۸مې پورې د روسیې هېواد په کازان ښار کې ترسره کېږي.
د تخنیکي او مسلکي زدهکړو ادارې نن (دوشنبه، د غويي ۲۲مه) په یوه خبرپاڼه کې لیکلي چې مولوي غلامحیدر شهامت، د دې ادارې سرپرست په یاده ناسته کې د ګډون لپاره روسیې ته ولاړ.
سرچینه کاږي، ټاکل شوې د تخنیکي او مسلکي زدهکړو ادارې سرپرست به په دې نړۍواله ناسته کې د اسلامي هېوادونو له استازو سره په تخنیکي او مسلکي برخو کې له افغانستان سره د همکاریو پر پیاوړتیا خبرې وکړي.
GET IN TOUCH
NEWSLETTER
SUGGEST A STORY
PAJHWOK MOBILE APP