کابل (پژواک، ۲ غبرګولی ۱۴۰۴): د ایران د بهرنیو چارو وزیر د امریکا د ولسمشر له ځانګړي استازي سره د غیرمستقیمو مذاکراتو په پنځم پړاو کې د ګډون لپاره د ایټالیا پلازمېنې، روم ته تللی دی.
ایراني رسنیو راپور ورکړی چې د دغه هېواد د بهرنیو چارو وزیر سیدعباس عراقچي نن سهار (جمعه) ایټالیا ته سفر کړی دی.
د راپور پر بنسټ، عراقچي د حقوقي او سیاسي کارپوهانو او مالي او بانکي متخصصینو یوه پلاوي په ملتیا روم ته تللی څو له امریکا سره د دغو مذاکراتو د پنځم پړاو خبرې پیل کړي.
د یادونې ده چې د عمان په منځګړیتوب د امریکا او ایران ترمنځ تراوسه څلور پړاوه مذاکرات ترسره شوي دي.
