کابل (پژواک، ۱۲ غبرګولی ۱۴۰۴): هندۍ رسنۍ وايي، د دغه هېواد په شمالځتیځه سیمه کې د تېرو درېیو ورځو سختو سېلابونو او ځمکېښویېدنې له امله لږ تر لږ ۳۴ کسانو ژوند له لاسه ورکړی دی.
د هند ټلوېزیون (انډيڼ ټيوي) د راپور له مخې، دغه کسان د هند د شمالختیځې سيمې اړوند اسام، منیپور، تریپورا، سیکیم، اروناچل پردېش او ځينو نورو کې د سېلابونو راتلو او ځمکېښویېدنې له امله مړه شوي دي.
سرچينې د هواپېژندنې ادارې د چارواکو له قوله لیکلي چې هلته د لا زیاتو ورښتونو وړاندینه شوې ده.
په راپور کې راغلي، هندي چارواکو ویلي چې د بېلابېلو ادارو د بېړنیو مرستو برابرولو او بند پاتې کسانو د ژغورلو لپاره یې هڅې پیل کړې چې پهکې د هند هوایي ځواک له هلیکوپټرو او کوچنيو کښتیو هم کار اخيستل کېږي.
