کابل (پژواک، ۲۸ غبرګولی ۱۴۰۴): د المپیک ملي کمېټه وايي، د هېواد د فوټسال ملي لوبډلې لوبغاړو ته د ۱۴۰۳ لمریز کال د عصریې پیسې ورکړل شوې.
د المپیک، بدنې روزنې او د ورزش لوی ریاست پر خپله اېکس پاڼه لیکلي، ورزشکارانو ته د عصریې د وېشلو په لړ کې نن د هېواد د فوټسال ملي لوبډلې لوبغاړو ته د تېر ۱۴۰۳ کال ورکړل شوه چې د هر لوبغاړي د یو کال عصریه ۱۳ زره او ۲۰۰ افغانۍ کېږي.
سرچینې زیاته کړې، د عصریې د وېشلو پروسه څه موده مخکې پیل شوې وه چې د ۵۲ بېلابېلو فدراسیونونو څخه په ټوله کې ۳۷۶۷ ورزشکارانو ته عصریه وېشل شوې ده.
د یادونې ده، ورزشکارانو ته د عصریې وېشلو لړۍ د ۱۴۰۳ کال د کب میاشتې په ۱۴مه پیل شوې وه او د المپیک ملي کمېټې مسوولینو هغه مهال ویلي وو چې ۳۷۶۷ لوبغاړو ته شاوخوا ۵۰ میلیونه افغانۍ ځانګړې شوې او پر دوی به ووېشل شي.
GET IN TOUCH
NEWSLETTER
SUGGEST A STORY
PAJHWOK MOBILE APP