<p style="text-align: justify;">کابل (پژواک، ۲۲ وږی ۱۴۰۴): د ۲۰۲۵ کال د کرکټ اسیا جام شلاوریزو سیالیو په لړ کې نن د بنګلهدېش او سریلانکا ملي لوبډلو ترمنځ لوبه ترسره کېږي.</p>
<p style="text-align: justify;">د ۲۰۲۵ کال اسیا جام شلاورېزې سیالۍ په متحده عربي اماراتو کې روانې دي چې د افغانستان په ګډون اته لوبډلې برخه پهکې لري.</p>
<p style="text-align: justify;">تر دې مهاله د اسیا جام په لړ کې څلور لوبې ترسره شوي دي، افغانستان د هانګکانګ لوبډلې ته، هند د متحده عربي اماراتو لوبډلې ته، بنګلهدېش هم د هانګکانګ لوبډلې ته او پاکستان تېره شپه د عمان لوبډلې ته ماتې ورکړې دي.</p>
<p style="text-align: justify;">همدارنګه نن به د دغو سیالیو پنځمه لوبه د بنګلهدېش او سریلانکا لوبډلو ترمنځ د افغانستان پر وخت د ماښام اووه بجې پیل شي.</p>
<p style="text-align: justify;">د یادونې ده، د یادو سیالیو په «الف» ګروپ کې د هند، پاکستان، متحده عربي اماراتو او عمان لوبډلې شاملې دي او په «ب» ګروپ کې د افغانستان، بنګلهدېش، سریلانکا او هانګکانګ لوبډلې سره لوبېږي.</p>
