کابل (پژواک، ۱۳ تله ۱۴۰۴): د راپورونو له مخې، غزه کې د اسراییل د تېرې ورځې په هوایي بریدونو کې ۷۰ فلسطینیانو ژوند له لاسه ورکړی دی.
دا بریدونه داسې مهال شوي چې د امریکا ولسمشر ډونالډ ټرمپ له اسراییل غوښتي څو پر غزه بمبارۍ ودروي.
الجزیرې په یوه راپور کې د روغتیایي سرچینو په حواله لیکلي چې پرون (شنبه) غزه کې د اسراییل په هوایي بریدونو کې لږ تر لږه ۷۰ فلسطینیانو ژوند له لاسه ورکړی دی.
د راپورونو پربنسټ، غزه کې د اسراییل د بریدونو له پيل راهیسې څه باندې ۶۵ زره فلسطینیانو ژوند له لاسه ورکړی او نږدې ۱۶۵ زره او ۷۰۰ نور ټپیان شوي دي.
